Носителот на листата од ВМРО-ДПМНЕ  во петтата Изборна единица верува дека на 8 мај ќе испишеле историска победа, а структурите во сегашната власт ќе одговарале пред лицето на правдата.

„Ние градевме фабрики, носевме инвестиции, градевме инфраструктура, го подобрувавме образованието, вложувавме во државата, а тие се криминалци, кои ден по големата наша победа ќе мора да одговараат за штетите што ги направија во сите сектори“, порача од митингот во Дебар, Ѓорѓија Сајкоски, носител на кандидатската листа за пратеници на ВМРО-ДПМНЕ и коалицијата во 5. Изборна единица.

Сајкоски обвини дека власта „украла многу пари на граѓаните“.

„Државава на направија најзадолжена држава, во моментот долгот е 65 отсто од БДП. Сите влади во Република Македонија ја задолжија држава со 4,5 милијарди до 2016 година, ова влада за само 7 години ја задолжи државата со 4 милијарди евра. Затоа мора да ги казниме, да ги казниме со пенкало, на 8 мај со масовна излезеност и даден глас за ВМРО-ДПМНЕ и коалицијата и за Гордана Силјановска-Давкова за претседател“, рече тој.