61-годишен жител на грарчето Хадсон во американската држава Флорида е обвинет за суровост кон животните, откако ги убил, зготвил и изел своите два пауна поради расправија со сосетка на која ѝ забранил да ги храни, а таа продолжила, соопшти денес канцеларијата на шерифот на округот Паско, според „Гардијан“.

Тој бил уапсен минатата недела под обвинение за тешка суровост кон животни од трет степен, пишува во соопштението.

Според изјавата на уапсениот пред истражителите, тој ги убил двата пауна затоа што неговата сосетка продолжила да ги храни, иако ѝ напишал писмо во кое ѝ кажува дека ќе продолжи да ги убива своите домашни животни ако таа продолжи да ги храни, „за да докаже поента“.

Осомничениот признал дека ги убил птиците така што „за инает им го пресекол вратот“ и дека „подоцна ги изел откако ги испржил во тава“.

Во соопштението од канцеларијата на шерифот, исто така, се наведува дека човекот рекол за време на апсењето дека ќе ги убие сите преостанати пауни што му се дома по неговото ослободување, за да спречи да бидат грабнати.