Врховниот суд на САД денеска и дозволи на администрацијата на американскиот претседател Доналд Трамп да ја спроведе неговата наредба за забрана на трансродовите лица да служат војска, што е една од низата директиви на републиканскиот претседател за ограничување на правата на трансродовите лица, објави Ројтерс.

Во одлуката што може да предизвика отпуштања на илјадници воен персонал, судот го одобри барањето на Министерството за правда за укинување на националниот налог на федерален судија кој ја блокира војската да ја спроведува забраната на Трамп за трансродовите војници додека не се заврши правното оспорување на политиката.

Краткиот налог на судот не беше потпишан, што е типично за итни случаи пред него.