Прес секретарката на Белата куќа, Џен Псаки, денеска изјави дека не е точен извештајот на медиумите дека американското разузнавање и помогнало на Украина да ги убие руските генерали, пренесува Ројтерс.

Од американскиот претседател Џо Бајден се очекува да потпише нов пакет оружје за Украина во наредните денови во вредност од најмалку 100 милиони долари, изјавија тројца американски претставници во петокот за Ројтерс.

Официјалните лица, кои сакаа да останат анонимни, рекоа дека најновиот пакет најверојатно ќе вклучува повеќе муниција за системи како Хаубици.

Псаки исто така рече дека претседателот Бајден ќе присуствува на самитот на лидерите на Асоцијацијата на нациите од Југоисточна Азија (АСЕАН) во Стејт департментот на САД, следниот петок.