Соединетите Американски Држави и Европската Унија подготвуваат дополнителни санкции против Русија, изјави денес францускиот министер за надворешни работи Жан-Ноел Баро.

Баро, во пресрет на продолжението на неформалниот состанок на министрите за надворешни работи во Анталија, Турција, прецизираше дека новите санкции ќе се однесуваат на енергетскиот и финансискиот сектор на Русија, објави Ројтерс.

Неформален состанок на министрите за надворешни работи на НАТО се одржува во Анталија од 14 до 16 мај, а една од темите на дискусија е завршувањето на војната меѓу Русија и Украина.