Соединетите Американски Држави го разгледуваат барањето на Украина за ракети „томахавк“ со долг дострел во обид да ги одвратат руските напади, изјави во недела американскиот потпретседател Џ.Д. Венс.

Украинскиот претседател Володимир Зеленски побара од Соединетите Американски Држави да им продадат „томахавк“ на европските земји кои потоа би ги испратиле во Украина, објави Ројтерс.

Во неделата на „Фокс њуз“, Венс рече дека американскиот претседател Доналд Трамп ќе донесе „конечна одлука“ дали да го дозволи договорот.

„Секако разгледуваме голем број барања од Европејците“, рече Венс.

Ракетите „томахавк“ имаат дострел од 2.500 километри, што, доколку му бидат доделени на Киев, би ја ставило Москва во дострел на ракетниот арсенал на Украина.