Русија би можела да ѝ помогне на Кина да го нападне кинескиот регион Тајван, предупреди денес генералниот секретар на НАТО, Марк Руте, пред почетокот на самитот на НАТО во Хаг.

На прес-конференција пред самитот на НАТО, Руте рече дека Кинезите ќе пробаат сè кога станува збор за кинескиот регион Тајван, објавува британскиот Телеграф.

Според него, ако Кинезите го сторат тоа, кинескиот претседател Си Џинпинг веројатно ќе добие поддршка од рускиот претседател Владимир Путин.

„Нема сомнение дека (Си) ќе го повика својот помлад партнер, г-дин (Владимир) Путин, и ќе се погрижи (тој) да се ангажира (во Европа). Тоа е една од причините зошто мора да бидеме подготвени, а не да бидеме наивни. Мора да бидеме јасни во врска со тоа“, рече Руте. Сојузот меѓу Си и Путин е една од причините зошто зголемувањето на воените трошоци од страна на членките на НАТО е толку важно, додаде тој.