Шефицата на јавното обвинителство Вилма Русковска  смета дека неоправдани се нападите од опозицијата дека обвинителството не постапува по случаите за корупција.

-Тоа е политички маркетинг на опозицијата. Криминал има, корупција има, да бидеме на чисто, но да бидеме и малку реални. Претходно се немаше случено, за претседател на Собрание да има обвинение. Да бидат обвинети соработници на премиерот. Јавноста треба да помогне, да пријават ако некој им изнудува пари, за било што, што се коруптивни дејствија. ЈО во овие три години покажа дека секој што е виновен, за кој ние ќе собереме докази ќе одговара, децидна е обвинителката Русковска.

Според неа податоците покажуваат дека Јавното обвинителство добро работи.

-Според Годишниот извештај за 2020 година која беше година со пандемија, карантини и со помалку предмети за работа и кога органите работеа со половина капацитет пресудени се 250 лица, за разлика од 2019 година кога имаше осудени околу 80 лица. Имаме многу предмети за кои јавноста не знае и не е заинтрерсирана. Кога ќе се заврши еден предмет имаме олеснување, вели обвинителката.

Таа смета дека лично не може да дејствува за поголем рејтинг на институцијата со која раководи.

-Не можам да го кренам рејтингот на целото обвинителство, толку можам. Се подобрува рејтингот само со кривично гонење без оглед на тоа кој од која партија е, туку и дали направил кривично  дело и дали ние може тоа да го докажеме, рече Русковска.