Рафинериите во БиХ, кои се во сопственост на Русија, имаат акумулирано огромни загуби и тие во моментов се проценуваат на повеќе од 1,3 милијарди евра, тврдат во средата локалните медиуми. Порталот Капитал.ба. објави дека акумулираната загуба на рафинеријата за нафта во Босански Брод и нафтената рафинерија во Модрича, кои заедно со синџирот бензински пумпи работат во рамките на компанијата Нестро Груп, на крајот на 2022 година ја надминале износот од 2,6 милијарди конвертибилни марки или 1.329 милијарди евра.

Рафинеријата Босанскоброд е без работа речиси пет години Групацијата „Нестро“ е во сопственост на рускиот концерн „НефтгазИнкор“ и бидејќи ги купи единствените две рафинерии што ги имаше БиХ, тие континуирано бележат загуби во бизнисот.

Руската компанија ја купи рафинеријата во 2007 година во трансакција со директен договор со владата на Република Српска, со која тогаш раководеше Милорад Додик, актуелниот претседател на тој ентитет.

Двете рафинерии заедно со синџирот бензински пумпи го чинеа купувачот 236 милиони конвертибилни марки или околу 120 милиони евра. Околу 40 отсто од НефтГазИнкор е во сопственост на рускиот државен концерн Зарубежнефт. Рафинеријата Босански брод е без работа речиси пет години поради дефект во постројките за преработка на нафта, а сопствениците фокусот го насочија кон плановите за изградба на гасна централа која засега планираат да ја снабдат со гас од Хрватска.