Вo последните неколку дена, додека неидентификувани дронови се појавуваа над неколку дански аеродроми, рускиот воен брод „Александар Шабалин“ беше закотвен во близина на данскиот брег, но во меѓународни води, открива дневниот весник „Екстра Бладет“, пренесува „Њузвик“ .

Во исто време, рускиот брод ги исклучил своите АИС уреди за автоматска размена на информации за идентитетот и позицијата меѓу бродовите.

Drone disruption hits Denmark again tonight.

Aalborg Airport airspace shut down after drone sightings.
Flights diverted. Police + Armed Forces coordinating.

2nd major Danish airport closure this week.

If drones can repeatedly shut Europe’s skies… who’s really behind them? 👀… pic.twitter.com/tNudY5Dm89

— Holly Wood (@thatuapgirl) September 24, 2025

„Александар Шабалин“ беше откриен на само 12 километри од данскиот остров Лангеланд, во меѓународни води меѓу Германија и Данска. Репортерите на „Екстра Бладет“ одговорија на дојавата и прелетаа над рускиот десантен брод со хеликоптер, кој потоа го крена сидрото и се оддалечи во непознат правец.

База во Калининград

„Александар Шабалин“ припаѓа на руската Балтичка флота стационирана во Калининград. Изградена е во 1985 година и е опремена со противвоздушни ракети и топови. Може да носи десет тенкови и 340 војници.

Во последниве години, Русија често го користи за транспорт на војници и опрема до својата база во Тартус во Сирија.

„Екстра Бладет“ пишува дека „Шабалин“ очигледно се криел во близина на Данска во времето на инцидентите над аеродромите, од кои бил оддалечен 70 до 270 километри. Но, данскиот весник нагласува дека можеби е премногу очигледно дека дроновите биле лансирани токму од тој брод и шпекулира дека „Шабалин“ можеби служел како поддршка за руските трговски бродови што пловеле во близина во последните денови.

Дали летале дронови од бродот?

Имено, во данските медиуми, сè повеќе се шири теоријата дека неидентификуваните дронови биле лансирани од еден од бројните трговски бродови што секојдневно пловат низ теснецот Ересунд кон руските балтички пристаништа.

На прес-конференција во четврток вечерта, шефот на данската полиција, Торкилд Фогде, потврди дека податоците за руските бродови интензивно се истражуваат.

„Сообраќајот на бродови во данските води беше првото нешто на кое се фокусиравме во истрагата. Не можам да зборувам за конкретниот брод, но имаме добар увид во пријателскиот и помалку пријателскиот поморски сообраќај.“

На прашањето зошто данската полиција и безбедносните служби не ги запираат и контролираат сомнителните бродови, Фогде одговори дека постои законска рамка до која мора да се придржуваат.