Руска балистичка ракета погоди станбена зграда во украинскиот град Криви Рих, при што загина најмалку едно лице, соопштија локалните власти.

Гувернерот Серхи Лисак изјави дека уште најмалку 11 лица се повредени, а повеќе луѓе би можеле да останат заробени под урнатините.

За жал, се подготвуваме за тешки вести“, напиша градоначалникот Олександр Вилкул на својот канал на Телеграм.

Неколку минути пред неговото соопштение, украинските воздухопловни сили предупредија на „закана за напад со балистички ракети“ за јужните и централните региони на Украина. Нападот се случи додека Украина се подготвуваше официјално да го прослави Божиќ.

„Додека остатокот од светот го слави Божиќ, Украинците продолжуваат да страдаат од бескрајните руски напади“, напиша на социјалните мрежи украинскиот омбудсман Дмитро Лубинец.