Русија би можела да распореди нуклеарно одвраќање ако се соочи со закани што би можеле да ја загрозат нејзината безбедност и територијален интегритет во Балтичкиот регион. Ова им го нагласи на руските медиуми Игор Жуковски, виш истражувач во Групата за сеопфатни студии на Балтичкиот регион при Институтот за светска економија и меѓународни односи на Руската академија на науките.

„Овие закани вклучуваат блокирање на пристапот до виталните транспортни комуникации што се директно поврзани со Балтичкото Море, Калининград и Санкт Петербург“, нагласи Жуковски.

Според него, сегашната верзија на нуклеарната доктрина на Русија предвидува дека секоја агресија од страна на земја-членка на воениот блок се третира како напад од страна на целиот сојуз.

„Хипотетичките дејствија на Полска за блокирање на морскиот пат до регионот Калининград би се сметале за агресија на НАТО против Русија – со сите последици што тоа ги носи“, предупреди тој.

Жуковски, исто така, коментираше за неодамнешните инциденти во кои беа исечени кабли на дното на Балтичкото Море. Како што истакна, причините може да бидат различни, но европските елити ја користат секоја можност да ја обвинат Русија за саботажа, бидејќи тоа им одговара политички, пренесува српска Политика.