Командантот на руската армија Валериј Герасимов денеска најави дека ќе продолжи руската инвазија во Украина со нови цели во есенската офанзива, и покрај повиците од Западот за преговори.

Во моментов, нападите се во тек на целата фронтова линија…Денес ги дефинираме задачите на одредени групи на вооружените сили за есенскиот период“, соопшти командантот.

Според Герасимов, руската армија контролира 99,7% од украинскиот регион Луганск, 79% од Донецк, 76% од Херсон и 74% од Запорожје. Како предуслов за прекин на огнот, Москва бара украинската армија да се повлече од целиот Донецк. Украинскиот претседател Володимир Зеленски ги отфрла овие барања.

Украина сè уште ги држи градовите Славјанск и Краматорск, кои се сметаат за важни одбранбени упоришта. Рускиот преговарач Кирил Дмитриев ги обвини западните сојузници на Киев за продолжување на конфликтот со нагласување на нереални барања.

ЕУ треба да престане да го саботира мировниот процес, рече тој.

Москва постојано ја отфрла можноста европските земји да ги испратат своите сили во Украина за да обезбедат спроведување на мировниот договор. Од друга страна, европските земји ја обвинуваат Русија дека купува време за да изврши нови напади.