Рускиот институт што ја разви антивирусната вакцина Спутник V денес објави дека штити од „сите познати варијанти“ на вирусот, вклучувајќи ја и делтата варијанта на корона вирусот одговорен за скокот на епидемијата „ковид-19“ во таа земја.

Главниот град Москва и околината, како и вториот по големина град во земјата, Санкт Петербург, се особено погодени од новиот бран на инфекции, а се забележуваат рекордни бројки додека е воспоставена програмата за вакцинација.

Денес, московскиот регион забележа најголем дневен скок на инфекцијата од почетокот на пандемијата. Во последните 24 часа се регистрирани 17.378 нови случаи на инфекција со коронавирус во Русија, а само во Москва се регистрирани 7.584 нови случаи на инфекција. На крајот на неделата, бројот на дневни нови инфекции надмина 9000.

Според градоначалникот на Москва, Сергеј Шобјанин, околу 90 проценти од новите случаи на инфекција се припишуваат на сојот делта, заразен вид што првпат се појави во Индија и се заканува да преоптоварува болници во рускиот главен град

Во тој контекст, Александар Гинтсбург, директор на центарот Гамалеј кој ја направи вакцината Спутник V, рече дека две дози од оваа вакцина „штитат од сите сега познати соеви, почнувајќи од британската до делтата варијанта, односно индиската варијанта“, пренесува Танјуг.