Со декрет на руското Министерство за финансии цената на вотката во Русија од 1 јануари е зголемена од 299 на 349 рубли како мерка за борба против широко распространетиот алкохолизам.

Алкохолизмот во Русија се смета за еден од водечките социјални проблеми што со себе носи цела низа предизвици. Во оваа насока, Министерството за финансии на Русија спроведува кампања за зголемување на цените на алкохолните пијалаци, при што вотката е најпопуларен пијалак и најбаран производ. Од 1 јануари 2025 година, според уредбата на Министерството за финансии, половина литар вотка ќе има минимална цена од 349 рубли, додека во 2024 година, според уредбата, цената беше 299 рубли, пишува Кликс.ба. Според пресметките на валутата, Русите во 2025 година за половина литар вотка ќе плаќаат најмалку 3,5 евра, што е сепак ниска цена со оглед на побарувачката.

Во 2023 година, според руските медиуми, биле продадени повеќе од 36 милијарди литри различни видови алкохол, меѓу кои доминира вотката. Минималните цени на вотката во Русија се воспоставени од 2009 година како мерка за борба против нелегалното производство на алкохол.

Сегашната наредба на Министерството за финансии важи до 31 декември 2030 година.