Во текот на изминатата ноќ, руските сили за воздушна одбрана пресретнаа и уништија 105 украински беспилотни летала над различни руски региони, соопшти денес Министерството за одбрана на Русија.

Беспилотни летала беа соборени во Белгородската област, Брјанск, Ростовска и Краснодарска област, како и во близина на Азовското Море, објави ТАС.

Најголемиот број дронови, 26, беа уништени над Белгород, додека 25 беа соборени над Брјанска област.

Руските власти наведуваат дека во текот на ноќта, 23 дронови биле пресретнати и над Ростовскиот регион и девет над Азовското Море.

Помал број дронови биле пресретнати во Курскиот, Ставрополскиот, Тамбовскиот, Воронежскиот и Орјолскиот регион.

Во исто време, руските трупи постигнаа значителен напредок на фронтот.

Екипажите на ракетните системи „град“ на 44-от армиски корпус на северната група сили уништија украински контролни пунктови на беспилотни летала, како и воени единици и оклопни возила на патот кон Харков.

Руската армија објави успешни напади во областите Велики Бурлук и Мелов, каде што украинските сили претрпеа големи загуби во еден ден, вклучувајќи до 160 загинати војници, седум уништени возила, пет артилериски оружја и едно складиште за муниција, пренесува Танјуг.