Железничката станица што се користи за евакуација на цивили во источна Украина, наводно, била погодена од два руски проектила, изјави шефот на украинската државна железничка компанија и доодаде дека има жртви.

Ројтерс ги цитира изјавите на украинската државна железничка компанија според кои повеќе од 30 лица загинале, а над 100 се ранети. Претседателот на украинските железници Олександар Камишин на Телеграм напиша дека е погодена железничката станица во градот Краматорск во Доњецк.

Украинската влада објави дека руските сили користеле касетна муниција за да ја нападнат железничката станица.

„Русите извршија два ракетни напади на железничката станица Краматорск, каде што цивилите се евакуираат. Но, руските воени злосторници не само што намерно гаѓаа илјадници луѓе, туку користеа и касетна муниција“, објави владата на Твитер.

Украинскиот гувернер на Доњецк Павел Кириленко изјави дека илјадници цивили биле на станицата во обид да се евакуираат во побезбедните области на Украина, пренесува Ројтерс.

Градскиот совет на Краматорск ги предупреди луѓето да останат во засолништата.

Јарослав Трофимов, дописник на Волстрит џурнал, објави фотографија на која вели дека се снимени остатоци од ракета која паднала на станица во Краматорск. Тој вели дека на ракетата пишувало: „За децата“.

Just noticed that it says “за детей” — “for children” — on the missile’s booster in Kramatorsk. https://t.co/IkDR4La28f pic.twitter.com/bVMHZbQvvP

— Yaroslav Trofimov (@yarotrof) April 8, 2022