Русија никогаш не била позната по своите граѓански слободи во својата долга историја, но ситуацијата значително се влоши откако рускиот претседател Владимир Путин ја започна инвазијата на соседна Украина, пишува Индекс.хр.

Навистина, Русија во последните денови полека се претвора во европска верзија на Северна Кореја и се повеќе се одвојува од остатокот од светот поради теророт на режимот на Путин и меѓународната изолација поради избувнувањето на војната. Во меѓувреме, секое противење на војната брутално се казнува.

Масовни апсења на противниците на војната во Украина

Во Русија од почетокот на војната се уапсени 13.000 луѓе, а само вчера – 4.600. Режимот е особено лут на антивоените демонстранти, кои почнаа да ги апсат веднаш штом излегоа на улиците на педесетина градови низ Русија по инвазијата .

Во родниот град на Путин, Санкт Петербург, ноќта по почетокот на руската инвазија беа организирани масовни протести против војната во Украина. Најмалку 378 демонстранти се приведени во Санкт Петербург. Стотици демонстранти се уапсени и во Москва, а пријавени се дури 660.

Продолжија масовните апсења, а вчера полицијата приведе околу 3.500 луѓе на протестите ширум земјата, од кои 1.700 во Москва и 750 во Санкт Петербург, јави руската новинска агенција ТАСС, повикувајќи се на Министерството за внатрешни работи.

Нови закони против демонстрантите, до 15 години затвор

Од почетокот на инвазијата, режимот на Путин почна да им се заканува на руските антивоени демонстранти.

Истражниот комитет, владино тело кое ги истражува големите злосторства, ги предупреди Русите на правните последици од приклучувањето кон незаконските протести поврзани со „напнатата надворешнополитичка ситуација“. Руското Министерство за внатрешни работи соопшти дека ќе ги преземе „сите неопходни мерки за да се обезбеди јавниот ред“.

Пред неколку дена Путин потпиша закон со кој се предвидуваат затворски казни за ширење „лажни вести“ за војската. Предвидени се казни затвор до 15 години. Нацрт-законот беше предложен од горниот дом на рускиот парламент, кој беше експресно усвоен, а потпишан од Путин.

Најлудиот светски лидер сега, без сомнение, е Владимир Путин, барем кога станува збор за перцепцијата на западната јавност. Деновиве рускиот претседател одлучи својата земја да ја претвори во своевидна верзија на Северна Кореја. Ретко кој може да биде задоволен од ваквиот развој на настаните.

Ким Џонг-ун природно ја оправдува инвазијата на Путин на Украина. Со триумфален тон, Министерството за надворешни работи на Северна Кореја рече дека Соединетите Држави и нивните сојузници „систематски ја поткопуваат безбедносната средина во Европа со тоа што стануваат поочигледни во нивните обиди да распоредат вооружен систем за напад“. Се што сака Русија, се вели, е „правна гаранција за безбедноста“. Не случајно, ова е терминологијата што Северна Кореја ја користи за да ја рационализира својата нуклеарна програма.

ВО ЖИВО | Конфликтот во Украина, вести од минута во минута