Русија тврди дека уништила три ХИМАРС системи во регионот Суми во Украина
Руската армија уништила три лансери ХИМАРС во регионот Суми во Украина, соопшти денеска руското Министерство за одбрана.
Препорачано
-
1
-
2
-
3
„Како резултат на извидувачките активности на вооружените сили на Русија, на 20 километри југоисточно од градот Суми, откриени се камуфлирани позиции на ХИМАРС од американско производство, кои беа користени и испорачани од вооружените сили на Украина“, се наведува во соопштението, јавуваат медиумите повикувајќи се на руски извори.
Руското министерство за одбрана наведе дека откако ја потврдиле локацијата на софистицираниот ракетен систем, била донесена одлука да се извршат напади со „висока прецизност“ на позициите на ХИМАРС.
Претходно денеска Укринформ објави дека најмалку 13 лица, меѓу кои четири деца, се повредени во ракетен напад на руската армија врз центар за социјална и психолошка рехабилитација на деца и дом за сираци во градот Суми во Украина.
Освен тоа, уништена е една образовна институција и најмалку пет висококатници, јавува Танјуг.
