Русија протера дипломат од естонската амбасада во Москва како одговор на прогласувањето на дипломат од руската амбасада во Талин за персона нон грата без никаква основа, соопшти денес руското Министерство за надворешни работи.

Во соопштението, објавено на веб-страницата на Министерството, се наведува дека вршителот на должноста амбасадор на естонската амбасада во Русија, Марек Јухтеги, бил поканет во руското Министерство за надворешни работи на интервју, објави Интерфакс.

Се нагласува дека до Јухтеги бил изразен силен протест во врска со прогласувањето на дипломат од руската амбасада во Талин за персона нон грата на 13 август.

„Естонската страна е исто така информирана дека какви било непријателски дејствија на Талин нема да останат без одговор“, се вели во соопштението.