Русија концентрираше 100.000 војници во близина на Покровск, клучен град во источна Украина, изјави денеска украинскиот претседател Володимир Зеленски, во време кога меѓународните напори за постигнување мир во војната се во застој.

Ситуацијата во областа Покровское „е најзагрижувачка денес“, бидејќи Русија таму има собрано „до 100.000 војници“, изјави Зеленски за новинарите и оцени дека Русите „подготвуваат офанзивни акции во секој случај“, пренесува Укринформ.

Зеленски исто така рече дека треба да се зголеми притисокот врз рускиот претседател Владимир Путин по рускиот напад врз Киев во кој загинаа 23 лица во четвртокот.