Борбената група Исток на руската армија ја презеде контролата врз населбата Подубное во Донецката Народна Република (ДНР), а украинските сили изгубија 190 војници во зоната на дејствување за еден ден, објави денес руското Министерство за одбрана.

„Како резултат на активните и решителни дејствија на единиците во рамките на руската борбена група Исток, населбата Подубное во ДНР беше ослободена“, се вели во соопштението, пренесува агенцијата РИА Новости.

Во соопштението се наведува дека персоналот и опремата на три механизирани бригади на Вооружените сили на Украина и две бригади за територијална одбрана претрпеле загуби во областите на населбите Полтавка, Олгговское и Малиновка во Запорожје, како и во областите Воскресенко, Новопилје и Карл Маркс во Донецката Народна Република.

„Вооружените сили на Украина загубија околу 190 војници, три оклопни борбени возила, пет автомобили и две полеви артилериски оружја“, се вели во соопштението на руското министерство.