Руското Министерство за одбрана денес објави дека 146 руски војници се вратени од територијата контролирана од Украина, а дека 146 воени заробеници на вооружените сили на Украина се префрлени во замена.

Како што е наведено, осум граѓани на Руската Федерација, жители на Курската област, кои беа нелегално држени од режимот во Киев, се вратени и ќе бидат однесени дома.

Во моментов, руските војници се наоѓаат на територијата на Белорусија, каде што им се пружа потребната психолошка и медицинска помош, пренесува РИА Новости.