Украина и Русија денеска објавија дека спроведоа нова размена на воени заробеници, согласно договорите постигнати во Истанбул на почетокот на јуни.

Москва и Киев не прецизираа колку војници се ослободени.

Двете држави се согласија да ги ослободат сите млади или ранети воени заробеници, што е единствениот опиплив резултат од разговорите, пренесува Интерфакс.

Украинскиот претседател Володимир Зеленски рече дека голем дел од војниците поминале таму повеќе од две години.

Москва објави видео од своите ослободени војници во униформи, завиткани во руски знамиња, кои скандираат „Русија, Русија!“, слична фотографија објави и украинскиот претседател Зеленски.