Русија и Индија започнаа заеднички воени вежби во северозападната индиска држава Раџастан, со цел подобрување на антитерористичките операции, соопшти денес руското Министерство за одбрана.

Руско-индиските вежби „Индра 2025“ се одржуваат на воениот полигон Махаџан во Раџастан и ќе траат до 15 октомври, соопшти министерството, објави Тасс.

„Главната цел на вежбите е да се подобри кохезијата на единиците на двете земји во борбата против тероризмот, вклучително и подобрување на тактиките на антитерористичките операции“, соопшти министерството.

Според нив, посебно внимание ќе се посвети на зголемување на оперативната компатибилност на единиците и размена на „најдобри практики во контекст на модерното војување“.