Руското државно обвинителство побара од рускиот суд матичната компанијата на Фејсбук, Мета да биде прогласена за екстремистичка организација.

Обвинителството побара од руските служби за надзор на комуникациите да го ограничи пристапот до социјалната мрежа на Мета, Инстаграм.

Русија минатата недела ја забрани употребата на социјалните мрежи Фејсбук и Твитер.

Во меѓувреме, Фејсбук привремено ја ублажи својата политика кога станува збор за статуси што се однесуваат на руската инвазија врз Украина, но само кога станува збор за случаи на воопштен говор на насилство, за изрази како „смрт за руските напаѓачи”, не и за искажување закани против цивили.

Таквата одлука на технолошкиот гигант веднаш предизвика поделени и спротивставени реакции кај јавноста, но гигантот на социјалните мрежи застана во одбрана на својата промена.

„Како одговор на руската инвазија врз Украина привремено дозволивме форми на политичко изразување што вообичаено би биле оценети како спротивни на нашите правила за говор на насилство”, се вели во соопштението на „Мета”, додавајќи дека се уште нема да дозволат „повици за насилство врз руски цивили”.

„Фејсбук“ дозволува говор на омраза кога станува збор за осуда на руската инвазија врз Украина