Секретарот на Советот за безбедност на Русија, Сергеј Шојгу, денес изјави дека Русија е подготвена да му помогне на движењето Талибанци во стабилизирањето на ситуацијата во Авганистан.

„Авганистан сè уште има многу напорна работа пред себе за да ја стабилизира ситуацијата во земјата. Русија е подготвена да им пружи помош на Талибанците во оваа област, меѓу другото, преку развој на соработката со Кабул во борбата против тероризмот и дрогата преку безбедносните агенции“, нагласи Шојгу.

Во авторски текст за „Руски Газет“, тој посочи на борбата на Талибанците против производството на дрога, истакнувајќи дека „веќе во 2023 година, површината под одгледување опиумски афион, која претходно изнесуваше околу 232.000 хектари, е намалена за 95 проценти, а денес 20 од 34 авганистански провинции се сметаат за слободни од плантажи со дрога“.

Сепак, додаде Шојгу, ситуацијата со трговијата со дрога во земјата останува тешка „поради сè пораспространетата употреба на синтетички опиоиди“.

Тој истакна дека активностите на терористите во Авганистан се директно поврзани со производството на дрога, а според руските проценки, во Авганистан има околу дваесет меѓународни терористички организации, со вкупно повеќе од 23.000 борци, „што претставува сериозна закана за регионот и светот“.