Руската армија се  концентрира на регионот Доњецк, надевајќи се на одлучувачки пробив, бидејќи Украина тврди дека Москва изгубила речиси 835.000 луѓе.

Речиси половина од руските напади минатата недела долж фронтот долг 1.000 километри се фокусирани на градот Покровск, во Источна Украина.

Овој град се смета за порта кон најсилно утврдените области кои сè уште се наоѓаат под конотрола на украинската армија во регионот на Доњецк.

Минатата недела, украинските команданти објавија дека големи руски сили се концентрираат во овој реон за изведување на  координиран напад врз градот, кој трае веќе една година.

„Непријателот се обидува да напредува без запирање“, изјави за армиската телевизија Максим Бакулин, портпарол на единиците на Националната гарда на Украина кои се борат во Покровск.

Руските сили повторно ги  вратија во употреба тешките оклопни возила по подолг периодот на изведување на  пешадиски напади, рече тој.

„Порано често испраќаа пешадија, но сега во повеќето случаи ги приближуваат, ги приземјуваат и се обидуваат да се борат заштитени со артилерија и повеќе ракетни системи“, додаде Бакулин.

Тој додаде дека руските сили претрпеле загуби на тешки возила во процесот.

Во средата, Украина, исто така, тврдеше дека руските воени сили изгубиле 1.670 луѓе за 24 часа, ажурирајќи ја својата проценка за руските воени загуби на 834.670 војници.