Основното јавно обвинителство Скопје поведе постапка против 41-годишен романски државјанин, осомничен за тешка кражба.

Според обвинителството, осомничениот на 21 март во Ѓорче Петров, насилно одзел златен ланец со крст од вратот на оштетен, а потоа пребарувал низ домот и украл 2.500 денари од фиока. Со тоа се стекнал со противправна имотна корист од 11.500 денари, по што веднаш се дал во бегство.

Имајќи предвид дека станува збор за странски државјанин без регулиран престој во државата, јавниот обвинител оцени дека постои опасност од бегство и до судот достави предлог за определување мерка притвор.