Рок групата „System Of A Down” собра повеќе од 600 илјади долари помош за Ерменија
Американската група „System Of A Down” собра повеќе од 600 илјади долари за националниот Фонд Ерменија за поддршка на земјата на нивно потекло по започнатиот вооружен конфликт во Нагорно-Карабах, соопшти денеска британскиот магазин „NME”.
Препорачано
Четворицата членови на групата минатата недела се соединија за првпат по 15 години за да снимаат две композиции. Песните “Protect The Land” и “Genocidal Humanoidz” се во прилог да се соберат средства за националниот фонд.
Музичарите изјавија дека не ѝ пожелуваат на Ерменија повторување на 1915 година (годината на ерменскиот геноцид извршен од страна на Османлиите), сметаат дека она што се случува во Карабах е неправда и сакаат да го привлечат вниманието на меѓународната јавност за тоа.
Ерменија, Азербејџан и Русија на почетокот на неделава потпишаа договор за окончување на воениот конфликт меѓу двете јужнокавкаски земји (Азербејџан беше поддржан од Турција, Ерменија од Русија) што започна на 27 септември, при што загинаа над илјада цивили и војници само од ерменска страна.
Во спорниот регион населен со голема ерменска популација која Ерменците ја нарекуваат Артсах.
Извор:МИА
