Ривалството во Мекларен се зголемува: Може ли Норис да ја врати доминацијата над Пјастри?
Сезоната е многу долга, но Ландо мора брзо да реагира ако сака да остане претендент за титулата, а не да му помага на својот тимски колега во битката за првото место во генералниот пласман
Пред почетокот на сезонава во Формула 1 Ландо Норис на Мекларен беше истакнуван како главен фаворит за титулата. Но сега, по првите четири трки од сезонава, неговиот тимски колега Оскар Пјастри како да ја презема иницијативата во трка за титулата.
Препорачано
Австралиецот е единствениот со две победи сезонава и покажува дека се чувствува посамоуверено зад воланот на Мекларенот. Неговиот настап е поконзистентен во споредба со оној на Норис.
Starting 2025 strong 💪 we love your work, Oscar!#McLaren | #BahrainGP 🇧🇭 pic.twitter.com/t8EcvBJG8s
— McLaren (@McLarenF1) April 14, 2025
Ако Британецот сака да се врати во улогата на прв фаворит треба да биде поконстантен во трките, но и во квалификациите.
На претстојната трка за Големата награда на Саудиска Арабија викендов, квалификациите секако ќе бидат важни, а клучно ќе биде за Норис да биде пред Пјастри на стартот на трката, ако сака да ја врати иницијативата.
Но има и реални шанси за интересни дуели во Џеда, затоа што патеката дозволува претекнување.
Се очекува и Џорџ Расел на Мерцедес, двајцата возачи на Ферари, па дури и Макс Верстапен во својот Ред бул да бидат блиску до темпото на Мекларен.
Сезоната е многу долга, но Ландо мора брзо да реагира ако сака да остане претендент за титулата, а не да му помага на својот тимски колега во битката за првото место во генералниот пласман.
Водечки моментно е Норис (77 бода), втор е Пјастри (74), трет е Верстапен (69)…
Оскар Пјастри победник на Ф1 трката Големата награда на Бахреин
