Поранешниот британски премиер Риши Сунак е именуван за виш советник во Њујоршката инвестициска банка „Голдман Сакс“, соопшти денеска банката. Сунак ќе ги советува клиентите ширум светот, со фокус на макроекономски и геополитички прашања.

„Ќе се потпреме на неговите уникатни увиди во глобалната економија и политика“, изјави извршниот директор на „Голдман Сакс“, Дејвид Соломон, објави „Фајненшл Тајмс“

Сунак, кој ја водеше британската влада од октомври 2022 до јули 2024 година, претходно беше министер за финансии во периодот 2020–2022. Иако неговата Конзервативна партија претрпе пораз на изборите во 2024 година, тој останува активен член на британскиот парламент.

Ова ново именување претставува и симболично враќање на Сунак во „Голдман Сакс“, каде што ја започна својата професионална кариера како практикант во 2000 година, а потоа работеше како аналитичар до 2004 година.