Режисерот и потпретседател на Народната странка, Синиша Ковачевиќ, вели дека во една пригода лично го видел Вељко Беливук на терасата од Претседателството на Србија.

Синиша Ковачевиќ за време на телевизиско гостување, како што пишува Нова.рс, изјавува дека лично видел како Беливук седи на терасата.

–Никој не го прашува претседателот на Србија како е можно да му е толку огорчен на Беливук, а до вчера му разбивал демонстрации. Што се случило преку ноќ. Јас лично имам поминато покрај Веља Беливук и сум го видел како седи на терасата во Претседателството. Јас лично“, вели Ковачевиќ во видеото.

Тој додава дека е подготвен да оди на полиграф ако е потребно но дека таа машина е прилично посрамотена.

-Да не ја издевалвираа и толку изругаа таа машина која служи само како помош во истрагата, а не како судски релевантно средство, секако дека би одел“, заклучува потпретседателот на Народната странка.