На 19 Ноември ( сабота) во Домот за култура во Ѓорче Петров со почеток во 18 часот ќе се одржи манифестацијата „Ревија на народни носии“ организирана од АНИП Ѓорче Петров.

Убавината и раскошот на фолклорните елементи кои ги красат народните носии кои се носеле пред векови од повеќе краишта од држава ќе може одблиску да се видат токму во општината Ѓорче Петров. Годинава ќе бидат прикажани народни носии од крајот на 19-от и почетокот на 20-от век.

– Многувековната македонска традиција и македонскиот народ е творец и создавач на народните носии. Да ги негуваме и сочуваме преку ваквите настани. Ги покануваме жителите на Ѓорче Петров да присуствуваат на овој настан и со нивниото присуство да го збогатат културниот живот во општината – стои во објавата на оваа локална самоуправа.