Иранските власти наредија утре да се затворат јавните служби во Техеран и неколку други провинции поради топлотен бран и зголемена потрошувачка на енергија, објавија државните медиуми во понеделник.

Најмалку 15 од 31 провинција во земјата ќе имаат затворени служби или ќе имаат намалено работно време за да се намали потрошувачката на електрична енергија и вода, објави официјалната новинска агенција Ирна.

Погодените провинции се Западен Азербејџан и Ардабил на северозапад, Хормозган на југ и Алборз и Техеран на север. Гувернерот на Техеран, Мохамед Садег Мотамеди, изјави дека одлуката е донесена на барање од Министерството за енергетика „поради зголемувањето на температурите и потребата да се троши вода и електрична енергија на најоптимален начин“, според јавната телевизија.

Топлотниот бран што го погоди Иран од средината на јули предизвика недостиг на вода и електрична енергија во поголемиот дел од земјата, додека нивото на водата во акумулациите се спушти на невообичаено ниски нивоа.