61-годишна жена од Ресен доби кривична пријава за предизвикување општа опасност, откако палела ѓубре на дива депонија, а огнот се проширил и се доближил до бараки и куќи во кои живеат луѓе, информираат од МВР.

„Надворешната канцеларија за криминалистички работи Ресен поднесе кривична пријава против Г.М.(61) од Ресен поради постоење основи на сомнение за сторено кривично дело ,,предизвикување општа опасност“. На 21.03.2025 на место викано „Бараки – Стара Слога“ во Ресен, пријавената на дива депонија запалила ѓубре, по што пожарот се проширил во близина на бараки и куќи“, пишува во полициското соопштение.

Надлежните предупредуваат дека сезоната на летно време и високи температури започна и апелира сите да бидат внимателни со изворите на оган на отворено.