Се чини дека републиканците се на дофат да ја преземат контролата врз Претставничкиот дом на САД, што с клучен фактор за новоизбраниот претседател Доналд Трамп кога ќе се врати во Белата куќа во јануари.

Додека гласовите се уште се пребројуваат по општите избори на 5 ноември, републиканците досега освоија 212 од 435 места во Претставничкиот дом, според проекциите на Едисон Рисрч.

На републиканците им требаат уште шест мандати за да ја задржат контролата над Претставничкиот дом, а сигурно е дека ќе ја преземат и контролата врз Сенатот, кој го држат демократите.

Со победата на Трамп на претседателските избори и републиканската контрола на Сенатот веќе е извесна, мнозинството во Претставничкиот дом би им овозможило полесно да ги спроведат плановите за намалување на даноците и трошоците, енергетската дерегулација и граничната безбедност.

Сè уште не се познати резултатите од 19 области лоцирани во западните држави каде што темпото на броење гласови е побавно отколку во остатокот од земјата. Десет места во моментов имаат републиканците, а девет демократите.