Поранешниот капитен на младата фудбалска репрезентација на Македонија, Ремзифаик Селмани кој минатата сезона настапуваше за Ренова, во следната сезона ќе настапува во унгарскиот шампионат откако денеска потпиша со екипата на Мезоковежд.

Тој денеска беше претставен пред унгарската јавност како нов напаѓач на Мезоковежд.

Селмани имаше одлична сезона во дресот на Ренова во која беше трет стрелец во Првата фудбалска лига, постигнувајќи 15 гола и 7 асистенции на 32 натпревари.

Селмани по втор пат ќе игра во Унгарија, во сезоната 2017-18 го носеше дресот на Ујпешт, а во кариерата има играно и  за Шкендија, Лапи и Ренова, а беше дел од младинските селекции на Македонија до 19 и 21 година.