Енфилд се подготвува да биде домаќин на најмногубројната публика во историјата на мерсисајдското дерби оваа среда.

По повеќе од две недели без натпревар, Ливерпул се враќа на теренот со домашен натпревар против Евертон во дербито на Премиер лигата, кое започнува од 21.00 часот.

Највисоката посетеност на едно дерби на Енфилд била забележана во април 1963 година, кога 56.060 гледачи биле сведоци на реми без голови.

Сега, сепак, оваа бројка лесно ќе се надмине – благодарение на проширувањето на трибината на „Енфилд Роуд“, домашните натпревари на „црвените“ во сезоната 2024/25 редовно привлекуваат над 60.000 навивачи.

Моментно на премиерлигашката табела Ливерпул е на првото место по 29 кола со 70 бодови, 12 повеќе од второпласираниот Арсенал, додека Евертон е на 15 место со 34 бодови.