Во првата половина од 2025 година, рускиот енергетски гигант „Газпром“ испратил само 9,93 милијарди кубни метри гас за европските клиенти, покажуваат пресметки на „Ројтерс“ базирани на податоци од „Турски поток“ – единствениот активен гасовод од Русија кон Европа.

Во споредба со истиот период лани, кога испораките изнесуваа 18,3 милијарди кубни метри, падот е речиси 50%. Ако трендот продолжи, до крајот на 2025 година Европа ќе добие околу 17 милијарди кубни метри руски гас – најниско ниво од 1970-тите.

За споредба, во 2018–2019 година, пред почетокот на војната во Украина, Европа добиваше и до 180 милијарди кубни метри годишно. Само преку Украина, која веќе го прекина транзитот, се испорачуваа и до 140 милијарди кубни метри гас годишно.