Во еден од шпицовите месеци на летната туристичка сезона – јули, приходите на бугарските хотели достигнаа рекорд, заработија дури половина милијарда левови за само триесет дена.

Финансискиот резултат е за 15,4% над оној од минатиот јули, а е остварен вкако резултат на зголемување на бројот на
ноќевања- пишува 24 часа.бг. Податоците покажуваат дека просечната пополнетост во екот на сезоната е доста висока. На пример, во хотели со 4 и 5 ѕвезди, таа  во јули била  72,8%, додека просекот во остатокот од годината се движел околу 50%.

Доплнително на приходите се одразиле и зголемените цени. Растот најмногу се должи на странците, покажуваат податоците. Во јули 2024 година, бројот на ноќевања се зголеми за 0,7% во споредба со јули 2023 година, достигнувајќи 1,5 милиони луѓе. Но, пораст од 3,6% е забележан кај странски државјани и намалување од 2,7% кај бугарските државјани.