Екипите на ЈП „Улици и патишта“, по интензивната работа во текот на изминатите месеци, ја завршија целосно реконструкцијата на пешачките патеки во западниот дел од Градскиот парк, информираат од Град Скопје.

– Реконструкцијата на пешачките патеки во вториот дел од Градскиот парк по налог на Град Скопје, се реализираше во неколку фази и се одвиваше на вкупна површина од 12. 000 квадратни метри. Сите оштетени патеки во западниот дел и во средишниот дел кај малите езерца целосно се обновени со нова асфалтна маса и тој дел од паркот е функционален за рекреација и прошетки на граѓаните. Содржините во вториот дел на Градскиот парк овој месец ги збогатија и екипите од ЈП „Паркови и зеленило“ коишто поставија нова парковска опрема кај езерцата со нов видиковец изработен од дрвени елементи – информираат градските власти.

Оттаму објаснуваат и дека, во изминативе недели екипите ја обновиле и оштетената урбана опрема во Градскиот парк, односно ги санирале оштетените клупи и садови за отпадоци, а ги обновиле и ги пуштиле во употреба по три години чешмите и фонтаните.