Помеѓу плодните долини, клисурите, античките урнатини и планинските села, првиот европски национален парк на диви реки „Вјоса“ се обидува да го балансира туризмот и зачувувањето на културните места. Вака американскиот дневен весник „Њу Јорк Тајмс“ ја опишува реката Вјоса, пренесува Топ Чанел Албанија.
Во написот на новинарот Алекс Кревар, се вели дека патувањето по реката Вјоса во јужна Албанија е еден од последните водни патишта во Европа. На почетокот на оваа година, се наведува во написот, Албанија направиголем чекор кон зачувување на културните места со формирањето на националниот парк „Дива река Вјоса“, прв во Европа и дестинација ја вклучи во листата на „52 места за посета оваа година”.

„Комбинацијата на гостопримството и неискористениот потенцијал ја прави опојна релативно неоткриената долина Вјоса. Исто така, создава плодни услови за извонреден туризам“, пишува Њујорк Тајмс.

Изворот на Вјоса долга 169 милји е во планините Пиндис во Грција, а додека го следи текот на Вјоса, новинарот го открива камениот град Ѓирокастро, Тепелена и Пермет, со стари градби, замоци и цркви. Написот на Њујорк Тајмс за Вјоса го сподели и премиерот на државата Еди Рама на социјалните мрежи, нарекувајќи ја супер промоција за Вјоса и Замет.

„Описите се супер промоција и за овој дел на Албанија, од Пермети, каде производите од околината заедно со балканската гостопримливост ги има во изобилство, до гостилниците на Тепелена и вкусот на кафето печено во огнот на Ѓирокастро, до насадите со лозја, низ приказните на земјоделците и жителите“, нагласува премиерот Рама.