Алијанса за Албанците (АА) и Алтернатива нема да учествуваат на централната манифестација посветена на 20 -годишнината од Охридскиот рамковен договор што ќе се одржи утре во Хотелот Александар Палас, дознава „Слободен печат“.

Координаторот на пратеничката група на АА и Алтетрнатива, пратеникот Скендер Реџепи за „Слободен печат“ вели дека нема да учествуваат на централниот настан посветен на 20 -годишнината од Охридскиот договор.

– Охридскиот договор беше причина за прекин на вооружениот конфликт. Но, овој договор мораше целосно да се имплементира до крајот на 2004 година и за жал и по 20 години имаме многу сегменти што не се имплементирани од истиот. Замислете, беа потребни 20 години да се најде оригиналот на пишаниот документ, а камоли да се спроведе. Затоа, нема да учествуваме на овој настан бидејќи сметам дека е недемократско да се манифестира недовршен договор – вели Реџепи.

Од Министерството за политички систем и односи меѓу заедниците велат дека лидерите на сите политичките парти на Албанците, и сите другу партии се поканети за да учествуват на централната прослава.