Ако во моментот сте на диета или планирате да бидете, овој рецепт мора да се најде на вашето мени. Кето погачите со сирење се здрава опција, која можете да ја јадете без да се грижите дека ќе се здебелите.

Состојки:

– 190 грама бадемово брашно
– 1 лажичка прашок за печиво
– сол по вкус
– 340 грама сирење моцарела
– 60 грам крем сирење
– 2 јајца за тесто и едно јајце за премачкување

Подготовка:

Измешајте го брашното со прашокот за печиво и посолете. Во друг сад измешајте рендана моцарела и крем-сирење, па стопете ги на пареа (само ставете ја над тенџере со врела вода, сирењето брзо се топи). Во растопеното сирење додајте 2 јајца и измешајте. На крајот, смесата додајте ја во брашното и месете со раце. Намачкајте ги рацете со масло, а потоа одвојте и формирајте мали топчиња што ќе ги тапкате со раце во форма на шпиц. Премачкајте со јајце и наредете ги на плех обложен со хартија за печење.

Се пече во загреана рерна на 200 степени осум минути. Послужете со прилог по ваш избор.