Љубителите на џин и тоник ќе го сакаат овој десерт, кој е освежителен и лесен за подготовка.

Одличен рецепт за десерт е вистинското кулинарско уживање.

Состојки:

– 200 грама чајни бисквити

– 100 грама путер

– 500 грама крем-сирење

– 25 грама шеќер во прав

– 50 мл џин

– 1 лажичка сок од лимета (или сок од лимон)

– рендана кора од лимон

– 100 грама бело чоколадо

– 300 мл слатка павлака

Подготовка:

Најпрво направете трошки од чајните бисквити. Можете да користите блендер или сукало. Скршените бисквити измешајте ги со растопениот путер и смесата ставете ја во тавче за торта со дијаметар од 20 сантиметри. Ставете во фрижидер.

Додека подлогата со бисквит е во фрижидер, во поголем сад измешајте ги крем-сирењето, шеќерот, џинот, сокот од лимета и ренданиот лимон. Мешајте додека не добиете мазна смеса. Растопете го белото чоколадо и оставете го да се излади околу две минути, а потоа измешајте го со кремот.

Посебно изматете ја слатката павлака и нежно измешајте ја со смесата од бело чоколадо и крем-сирење. На крајот прелијте ги бисквитите со кремот и ставете ги во фрижидер најмалку шест часа, но пожелно е колачот да се остави преку ноќ.

Секако, послужете ја тортата со чаша џин-тоник!