Овие вкусни погачи можат останат тазе и по неколку дена, но сигурни сме дека ќе се изедат веднаш.

Состојки:

– 400 г брашно
– 250 г свежо сирење
– 250 г путер
– 1 јајце
– 1 жолчка
– сусам
– ким
– сол

Подготовка:

1. Одвојте 3 лажици од вкупното количество на путер.
2. Замесете тесто од 300 г брашно, сирење и путер, а ако ви се лепи, додајте уште брашно.
3. Расукајте го тестото и премачкајте го со растопен путер (одвоеното количество). Преклопете. Повторно премачкајте. Повторно преклопете, па ставете го тестото во фрижидер еден час.
4. Кога тестото ќе одмори, повторно расукајте го, но не претенко. Вадете погачи со калап и редете ги на плех обложен со хартија за печење. Премачкајте ги со изматено јајце и жолчка, посипете ги со сусам или ким и печете ги во рерна на 190 степени, 12-15 минути.