Јованка Јанкоска Бобе, која стои зад блогот bobesbakery.mk, фејсбук и инстаграм-профилот, е вистински кулинарски креативец – нејзините рецепти се милина и за очите и за непцето.

Бобе денеска споделува здрав и вкусен рецепт – ориз со лимон.

– Ова јадење е вегетаријанско, се подготвува за 15 минути, прекрасните сокови од лимонот и лукчето му даваат прекрасен вкус на оризот – вели Бобе.

Состојки:

– 300 грама ориз
– 1 лимон
– сок од лимон и малку рендана кора од лимон
– 300 грама спанаќ
– половина китка магдонос
– 3-4 лукчиња
– маслиново масло, зачинал

Подготовка:

Во длабока тава се пропржува лукчето на маслиново масло, се додава две лажици зачинал, па се додава оризот. Се меша сѐ заедно, па се додаваат спанаќот, ренданата кора од лимон и магдоносот. Се полева со сокот од лимон и литар топла вода, се меша сѐ заедно, па врз оризот се редат сечканите листови лимон, тавата се затвора со капак и се остава да крчка на средна температура, 15 минути.

Оризот се сервира топол, а врз него може да се изренда пармезан и се наросува со сечкан магдонос. Оризот можете да го сервирате и како прилог со риба или со месо.