Фудбалскиот клуб Реал Мадрид е на чекор до ангажман на дефанзивецот на Борнмут, Дин Хујсен, кој би можел да стане првото засилување за шпанскиот гигант во летниот преоден рок, пренесува Фабрицио Романо.

Според информациите на еден од најдоверливите трансфер-новинари, двата клуба веќе постигнале договор околу трансферот, кој ќе тежи 50 милиони фунти. Сумата ќе биде исплатена до крајот на 2026 година.

Останува уште да се финализираат личните услови помеѓу мадридскиот клуб и холандскиот фудбалер, но не се очекуваат поголеми пречки во тој дел.

Хујсен, кој има 25 години, зад себе има искуство во Серија А, настапувајќи за Рома и Јувентус и се смета за фудбалер кој може да донесе стабилност во одбранбената линија на Реал, која сезонава се соочи со бројни проблеми, најмногу поради повреди. Со својот потенцијал и возраста, тој се гледа како долгорочна опција за дефанзивниот бедем на „Сантијаго Бернабеу“.