Официјално најдобриот фудбалер на светот минатата година, Родри, докажа колку е важен играч дури и во машинеријата на Манчестер сити, а зборуваше и за интерес од други големи клубови.

Шпанскиот играч за врска оваа сезона ја освои Златната топка, но немаше среќа со повреда која најверојатно ќе го оддалечи од терените до јуни. Тоа е голем удар за тимот на Пеп Гвардиола, а тоа го покажуваат последните резултати – четири последователни порази.

Нема сомнеж дека враќањето на Родри ќе му помогне на Сити следната сезона, но прашање е каде ќе оди кариерата на шпанскиот играч за врска во наредниот период.

Реал Мадрид секогаш е заинтересиран за најдобрите играчи во светот, како што е Родри, а еве што вели за тоа победникот на ЕП со Шпанија:

– Кога Реал Мадрид те повикува, најдобриот клуб во светот и најуспешен, тоа те прави горд и секогаш мораш да слушаш. Јасно е, секогаш морате да обратите внимание – изјави Родри.

Да потсетиме, Родри во Манчестер сити дојде во 2019 година од Мадрид, но од Атлетико.  Останува прашањето дали ќе се врати во шпанската престолнина.

?⚪️ Rodri on potential future Real Madrid call: “When Real Madrid call you, the best club in history and the most successful… it makes you proud and you always have to listen”.

“It’s obvious. You always have to pay attention”, told @ellarguero. pic.twitter.com/bRQwJSnJnT

— Fabrizio Romano (@FabrizioRomano) November 22, 2024